నాగార్జునసాగర్ ఉపఎన్నికలో భాగంగా... నామినేషన్ల పర్వం మొదలైంది. తొలిరోజు ఐదుగురు స్వత్రంత్ర అభ్యర్థులు నామినేషన్లు దాఖలు చేశారు. సిద్దిపేట జిల్లాకు చెందిన గౌటి మల్లేష్, కరీంనగర్కు చెందిన సిల్వేరి శ్రీకాంత్, మేడ్చల్ జిల్లా ఉప్పల్కు చెందిన రేవు చిన్న ధనరాజ్, మల్కాజిగిరికి చెందిన లోగ్గారి రమేశ్లు తొలి రోజు నామినేషన్లు వేశారు.
సాగర్ ఉపఎన్నికకు తొలి రోజు 5 స్వతంత్ర నామినేషన్లు
నాగార్జునసాగర్ శాసనసభ స్థానానికి నామినేషన్ ప్రక్రియ ప్రారంభమైంది. తొలిరోజు ఐదుగురు స్వతంత్ర అభ్యర్థులు నామినేషన్ దాఖలు చేశారు. రాష్ట్రంలో పెరిగిపోతున్న అవినీతిని ప్రశ్నించేందుకు ప్రజల గొంతుకగా మారేందుకే పోటీ చేస్తున్నామని స్వతంత్రులు తెలిపారు.
5 independent candidates filed nominations in nagarjunasagar by elections
రాష్ట్రంలో పెరుగుతున్న నిరుద్యోగం, అవినీతిని... ప్రజల తరఫున ప్రశ్నించేందుకు నాగార్జునసాగర్లో పోటీ చేస్తున్నామని కలియుగ పాండవుల వ్యవస్థాపకులు చిన్న ధనరాజ్ తెలిపారు. ఉద్యోగ విరమణ వయసు పెంపును తీవ్రంగా వ్యతిరేకిస్తున్నామని... వెంటనే ప్రభుత్వం ఈ నిర్ణయాన్ని వెనక్కి తీసుకోవాలని డిమాండ్ చేశారు. 50 వేల ఉద్యోగాల ప్రకటన హామి నిలబెట్టుకోవాలని కోరారు. ఎలాంటి ప్రలోభాలకు, బెదిరింపులకు లొంగని సమాజ రక్షకులు అందరూ కలియుగ పాండవులేేనన్నారు.
తమలో ఎవరు గెలిచినా సాగర్లో ఒక నవశకపు అభివృద్ధి ఎలా ఉంటుందో చేసి చూపుతామన్నారు. ఓటు... కూతురు లాంటిదని దయచేసి డబ్బుకో, మందుకో అమ్ముకోకుండా నిజాయితీగా ఓటు హక్కు వినియోగించుకోవాలని కోరారు.