కొల్లాపూర్ నియోజకవర్గంలో ఎడతెరిపిలేని వర్షం

నాగర్ కర్నూల్ జిల్లావ్యాప్తంగా ఎడతెరిపిలేని వర్షం కురుస్తోంది. కొల్లాపూర్ నియోజకవర్గంలో రెండు రోజుల నుంచి కురుస్తున్న వర్షాలకు కుంటలు, చెరువులు నిండి పొంగిపొర్లుతున్నాయి.

నాగర్ కర్నూల్ జిల్లా కొల్లాపూర్ నియోజకవర్గంలో రెండు రోజుల నుంచి కురుస్తున్న వర్షాలకు కుంటలు, చెరువులు నిండి పొంగిపొర్లుతున్నాయి. కొల్లాపూర్ మండలం ముక్కిడిగుండం, నార్లాపూర్ మధ్య రాకపోకలకు అంతరాయం కలిగింది. పెంట్లవెళ్లి మండలంలో 2, పెద్దకొత్తపల్లి మండలంలోని పలు గ్రామాల్లో 6 ఇళ్లు కూలినట్లు తహసీల్దార్ కార్యాలయానికి దరఖాస్తులు వచ్చాయి.

చిన్నంబావి మండలంలోని బెక్కం గ్రామంలో ఓ ఇళ్లు కూలింది. పాన్ గల్ మండలంలోని గోప్లపూర్ గ్రామంలో రాత్రి కురిసిన వర్షానికి వేరుశనగ పంట దెబ్బతిందని రైతులు ఆవేదన వ్యక్తంచేశారు. కొల్లాపూర్ లో చుక్కాయిపల్లి చెరువు నిండి అలుగుపారుతోంది.