నిరుపేదల సంక్షేమానికి తెలంగాణ ప్రభుత్వం కట్టుబడి ఉందని నాగర్ కర్నూల్ ఎమ్మెల్యే మర్రి జనార్దన్ రెడ్డి అన్నారు. జిల్లా కేంద్రంలోని ఎమ్మెల్యే క్యాంపు కార్యాలయంలో జడ్పీ ఛైర్పర్సన్ పద్మావతితో కలిసి 209 మంది లబ్ధిదారులకు కల్యాణలక్ష్మి, షాదీ ముబారక్ చెక్కులను అందజేశారు. ఎంజేఆర్ ఛారిటబుల్ ట్రస్ట్ నుంచి లబ్ధిదారులకు పట్టు చీర, పసుపు, కుంకుమ అందించారు. తెలంగాణలోని ప్రతి కుటుంబ సంక్షేమ బాధ్యత సీఎం కేసీఆర్దేనన్నారు. ప్రజల కోసం అలుపెరగని కృషి చేస్తున్న మహనీయుడు కేసీఆర్ అని కొనియాడారు. డిసెంబర్ 1న ఎంజేఆర్ ఛారిటబుల్ ట్రస్ట్ ఆధ్వర్యంలో నిరుపేదలకు సామూహిక వివాహాలు నిర్వహిస్తామని తెలిపారు.
కల్యాణలక్ష్మి చెక్కుల పంపిణీ