శుభలేఖలు పంచేందుకు వచ్చి దొరికిపోయాడు..

కూతురి పెళ్లి కార్డులు పంచేందుకు వెళ్లిన ఓ వ్యక్తి పోలీసులకు దొరికిపోయాడు. ఓ విశ్రాంత ఉద్యోగి హత్య కేసులో నిందితుడిగా చిక్కాడు.

నాగర్ కర్నూల్ జిల్లా కల్వకుర్తి మండలం సుద్దకల్లు గ్రామంలో నవంబర్ 5న హత్యకు గురైన విశ్రాంత ఉద్యోగి కేసును కల్వకుర్తి పోలీసులు చేధించారు. తన కూతురు శుభలేఖలు పంచేందుకు కల్వకుర్తి వచ్చాడు. పోలీసులు వాహనాలు తనిఖీ చేస్తుండగా నిందితుడు పట్టుబడ్డాడు. హైదరాబాదులోని కూకట్​పల్లికి చెందిన నిందితుడు శ్రీ రామాచారిని అదుపులోకి తీసుకున్నారు. అతని వద్ద నుంచి లక్షా 70 వేల రూపాయలను స్వాధీనం చేసుకున్నారు.