కరోనాతో 60 ఏళ్ల వృద్ధుడు మృతి

నాగర్​కర్నూల్​ జిల్లా ఉప్పునుంతల మండలానికి చెందిన 60 ఏళ్ల వ్యక్తి కరోనాతో మృతిచెందాడు. గాంధీ ఆసుపత్రిలో కరోనా చికిత్స పొందుతూ చనిపోయాడని కలెక్టర్ శ్రీధర్ తెలిపారు.

నాగర్​కర్నూల్​ జిల్లా ఉప్పునుంతల మండలం మర్రిపల్లి గ్రామానికి చెందిన ఓ వృద్ధుడు హైదరాబాద్​ కాటేదాన్​లో ఉండేవాడు. లాక్​డౌన్​ వల్ల సొంత గ్రామానికి వచ్చిన అతనికి డయాబెటిస్ ఇతర దీర్ఘకాలిక వ్యాధులు​ ఉండటం వల్ల చికిత్స నిమిత్తం మళ్లీ భాగ్యనగరానికి వెళ్లాడు.

అక్కడ కరోనా బారిన పడిన ఆ వృద్ధుణ్ని గాంధీ ఆసుపత్రికి తరలించగా చికిత్స పొందుతూ మరణించాడని నాగర్​ కర్నూల్​ జిల్లా కలెక్టర్ శ్రీధర్ తెలిపారు. అతనికి సంబంధించి ఏడుగురు ప్రైమరీ కాంటాక్ట్స్​ను గుర్తించి వారిని క్వారంటైన్​లో ఉంచామని వెల్లడించారు.

• ఇదీ చూడండి:నిధుల సమీకరణపై టాటా గ్రూప్ కీలక ప్రకటన