కల్వకుర్తి పురపాలికలో డ్రోన్​ కెమెరాలతో పహారా

కల్వకుర్తి పురపాలిక పరిధిలో డ్రోన్ కెమెరా సహాయంతో వివిధ కాలనీల్లో నిఘా ఏర్పాటు చేశారు. డీఎస్పీ గిరిబాబు, పురపాలిక ఛైర్మన్ ఎడ్మ సత్యం, సీఐ సైదులు, ఎసై మహేందర్ కెమెరాలను ప్రారంభించారు.

నాగర్​కర్నూలు జిల్లా కల్వకుర్తి మున్సిపాలిటీలోని వివిధ కాలనీల్లో డ్రోన్ కెమెరాల సాయంతో కాలనీవాసుల కదలికలను పర్యవేక్షిస్తున్నట్లు డీఎస్పీ గిరిబాబు తెలిపారు. ఎలాంటి అనుమతులు లేకుండా ఇంటి నుంచి రావడం, కాలనీవాసులతో ముచ్చట్లు పెట్టడం, ఇతర కార్యక్రమాలు చేయవద్దని సూచించారు.

కరోనా వ్యాప్తిని నిరోధించాలంటే వ్యక్తిగత దూరం తప్పనిసరిగా పాటించాలని, లాక్​డౌన్ సమయంలో నిత్యావసర సరకుల కోసం ఒక్కరు మాత్రమే బయటకు రావాలని డీఎస్పీ సూచించారు. నిబంధనలు ఉల్లంఘించిన వారిపై కఠిన చర్యలు తీసుకుంటామని హెచ్చరించారు.

ఇదీ చూడండి:ఒకటికి రెండుసార్లు కొవిడ్‌-19 నిర్ధరణ