క్లాస్​మేట్​ క్లబ్​ ఆధ్వర్యంలో మొక్కలు నాటే కార్యక్రమం

నాగర్​కర్నూల్​ జిల్లా అచ్చంపేటలో క్లాస్​మేట్​ క్లబ్​ ఆధ్వర్యంలో మొక్కలు నాటే కార్యక్రమాన్ని ఏర్పాటు చేశారు. క్లబ్​ రాష్ట్ర కోశాధికారి వెంకటేశ్వరరావు ప్రారంభించారు.

నాటిన ప్రతి మొక్కను సంరక్షించి.. పచ్చదనాన్ని పెంపొందించేందుకు క్లాస్​మేట్​ క్లబ్ కృషి చేస్తోందని క్లబ్ రాష్ట్ర కోశాధికారి వెంకటేశ్వరరావు పేర్కొన్నారు. నాగర్​కర్నూల్​ జిల్లా అచ్చంపేట పట్టణంలోని వనవాసి సేవా ప్రకల్ప ఆవాస విద్య నిలయం ఆవరణలో మొక్కలు నాటే కార్యక్రమాన్ని ఆయన ప్రారంభించారు. నాటిన మొక్కలను సంరక్షించేందుకు 100 ట్రీ గార్డులను క్లబ్ తరఫున అందజేశారు.

పర్యావరణాన్ని పరిరక్షించేందుకు క్లాట్​మేట్ క్లబ్​ ఎల్లప్పుడూ ముందుంటుందని వెంకటేశ్వరరావు పేర్కొన్నారు. ప్రతి ఒక్కరూ మొక్కలు నాటి సంరక్షించాలని సూచించారు. కార్యక్రమంలో క్లబ్ డివిజన్ అధ్యక్షుడు బాదం పరమేశ్వర్ ప్రసాద్, పలువురు సభ్యులు పాల్గొన్నారు.