ఆర్టీసీ బస్సు ఢీకొని వృద్ధుడు మృతి

ఆర్టీసీ బస్సు ఢీకొని 70ఏళ్ల వృద్ధుడు అక్కడికక్కడే మృతి చెందాడు. ఈ ప్రమాదం నాగర్​కర్నూల్​ జిల్లా కల్వకుర్తిలో జరిగింది.

నాగర్ కర్నూలు జిల్లా కల్వకుర్తిలో రోడ్డు ప్రమాదం సంభవించింది. దేవరకొండవైపు వెళ్తున్న ఆర్టీసీ బస్సు అంబేడ్కర్ కూడలి వద్ద ఓ వృద్ధుడిని ఢీకొంది. ఈ ప్రమాదంలో వృద్ధుడు అక్కడికక్కడే మృతి చెందాడు. రహదారిపై ట్రాఫిక్​ నిలిచిపోయింది.

ఘటనా స్థలానికి పోలీసులు చేరుకుని బస్సు డ్రైవర్​ను అదుపులోకి తీసుకున్నారు. వాహనాలను రద్దీని అదుపుచేశారు. మృతి చెందిన వృద్ధుడు తాడూరు మండలం ఆకునెల్లికుదురుకు చెందిన గంగిరెద్దుల పెంటయ్యగా గుర్తించారు. కేసు నమోదు చేసి దర్యప్తు చేస్తున్నట్లు పోలీసులు తెలిపారు.

ఇవీ చూడండి:మద్యం దొంగలను పట్టించిన సీసీ కెమెరాలు