కల్వకుర్తిలో అదనపు కలెక్టర్ పర్యటన

కల్వకుర్తి పట్టణాభివృద్ధికి ప్రత్యేక ప్రణాళికలు రూపొందించినట్టు జిల్లా అదనపు కలెక్టర్ మనూ చౌదరి తెలిపారు. అందులో భాగంగా పట్టణంలో పర్యటించారు. పట్టణంలో ఖాళీ ప్రదేశాలు, బస్టాండ్ పరిసరాలు పరిశీలించారు.

నాగర్​కర్నూలు జిల్లా కల్వకుర్తిలో అదనపు కలెక్టర్ మనూ చౌదరి పర్యటించారు. పట్టణ ప్రగతిలో భాగంగా మున్సిపాలిటీల అభివృద్ధి కోసం రాష్ట్ర ప్రభుత్వం ప్రత్యేక ప్రణాళికలు సిద్ధం చేసినట్టు తెలిపారు. పట్టణంలోని ఖాళీ ప్రదేశాలు, గ్రంథాలయం వద్దనున్న మద్యం దుకాణాలు, వివిధ మార్కెట్​ పరిసరాలు క్షేత్ర స్థాయిలో పరిశీలించారు. పట్టణాన్ని అన్ని రకాలుగా ముందుకు తీసుకెళ్లేందుకు ప్రణాళిక రూపొందించినట్టు వివరించారు.

నూతనంగా ఏర్పడిన కాలనీల్లోని పార్కుల అభివృద్ధి కార్యక్రమాల గురించి మున్సిపల్ ఛైర్మన్​ను అడిగి తెలుసుకున్నారు. ప్రతి ఒక్కరూ పరిశుభ్రత పాటించాలని సూచించారు. అదనపు కలెక్టర్ వెంట ఎడ్మ సత్యం, వైస్​ ఛైర్మన్​ షాహిద్, కమిషనర్ జాకీర్ అహ్మద్, ఎక్సైజ్ సీఐ శంకర్, పీఏసీఎస్ ఛైర్మన్ జనార్దన్ రెడ్డి, కౌన్సిలర్లు, నాయకులు, అధికారులు పాల్గొన్నారు.

ఇదీ చూడండి :సీఏఏ వ్యతిరేక తీర్మానానికి శాసనసభ ఆమోదం