నీటిని పొదుపుగా వాడి భూగర్భజలాన్ని పెంచేందుకు ప్రతి ఒక్కరూ బాధ్యత వహించాలని జిల్లా పాలనాధికారి ఎల్.శర్మన్ చౌహన్ పేర్కొన్నారు. నాగర్ కర్నూల్ జిల్లా కేంద్రం హౌసింగ్ బోర్డ్ కాలనీలో భూగర్భంలో నీటిమట్టాన్ని కొలిచే యంత్రాన్ని కలెక్టర్ ప్రారంభించారు.
భూగర్భంలో నీటిని ఏవిధంగా ఈ ఫీజో మీటర్ కొలుస్తుందో.. ఏవిధంగా పనిచేస్తుందో సంబంధిత శాఖల అధికారులను ఆయన అడిగి తెలుసుకున్నారు. అండర్ గ్రౌండ్లో నీటి లభ్యత శాతాన్ని తెలుసుకునే విధంగా అత్యాధునిక వసతులను జిల్లాలో ఏర్పాటు చేశామన్నారు. ప్రస్తుత సాంకేతికతతో ప్రతి 6 గంటలకు ఒకసారి అధికారి అక్కడకి వెళ్లకుండానే ఆయా ప్రాంతాల్లో ఎంతమేరకు వాటర్ లెవెల్ ఉందో తెలుసుకోవచ్చన్నారు.