సొంత తమ్ముడైనా చర్యలు తప్పవు: మర్రి జనార్దన్ రెడ్డి నాగర్ కర్నూల్ జిల్లా కేసరి సముద్రం చెరువు పరిసరాలను స్థానిక శాసనసభ్యులు మర్రి జనార్దన్ రెడ్డి, జిల్లా కలెక్టర్ శ్రీధర్, రెవెన్యూ, మున్సిపల్ ఇరిగేషన్ అధికారులతో కలిసి పరిశీలించారు. గత కొంతకాలంగా ఈ పరిసర ప్రాంతాల్లోని శిఖం భూములు కబ్జాలు జరుగుతున్నాయని వార్తలు వస్తుండటం వల్ల ఎమ్మెల్యే అధికారులతో కలిసి తనిఖీ చేశారు.
గత పాలకుల నిర్లక్ష్యం వల్ల ఇప్పటివరకు చెరువు ఎఫ్టీఎల్, బఫర్ జోన్ ఏర్పాటు చేయలేదని ఎమ్మెల్యే మర్రి జనార్దన్ రెడ్డి విమర్శించారు. చెరువు భూములను కబ్జా చేసేందుకు ప్రయత్నిస్తే సొంత తమ్ముడైనా, పార్టీ నాయకులైనా చర్యలు తప్పవని హెచ్చరించారు.
