కొవిడ్ టీకా దేశానికే గర్వకారణం :మర్రి జనార్థన్​రెడ్డి

నాగర్​కర్నూల్​ జిల్లాలో కొవిడ్​ వ్యాక్సినేషన్​ కార్యక్రమాన్ని స్థానిక ఎమ్మెల్యే మర్రి జనార్థన్​రెడ్డి ప్రారంభించారు. మెదటి దశలో వైద్య ఆరోగ్య కార్యకర్తలకు, అంగన్వాడీ సిబ్బందికి మాత్రమే టీకా వేయనున్నట్లు ఆయన తెలిపారు.

కొవిడ్​ వ్యాక్సిన్ అందుబాటులోకి రావడం దేశ ప్రజలందరికీ గర్వకారణమని నాగర్​కర్నూల్​ ఎమ్మెల్యే మర్రి జనార్థన్​రెడ్డి అన్నారు. జిల్లాలోని తిమ్మారెడ్డి పేట ప్రాథమిక ఆరోగ్య కేంద్రంలో టీకా పంపిణీ కార్యక్రమాన్ని ఆయన ప్రారంభించారు.

టీకా పంపిణీ కార్యక్రమంలో భాగంగా నాగర్​కర్నూల్​ జిల్లాలోని వెల్దండ, తిమ్మాజీపేటలో కేంద్రాలను అధికారులు ఏర్పాటు చేశారు. ఒక్కో సెంటర్లో 30 మందికి చొప్పున వాక్సిన్​ ఇచ్చారు. మెుదటి దశలో వైద్య ఆరోగ్య కార్యకర్తలకు, అంగన్వాడీ సిబ్బందికి టీకాలు ఇవ్వనున్నామని డాక్టర్లు తెలిపారు. జిల్లా వ్యాప్తంగా 4,963 మందికి వ్యాక్సిన్​ ఇవ్వనున్నట్లు వైద్య ఆరోగ్యశాఖ అధికారి డాక్టర్ సుధాకర్​ పేర్కొన్నారు.

ఇదీ చదవండి:రాబోయే ఎన్నికల్లో తెరాస సత్తా చాటాలి : మంత్రి కేటీఆర్