హరితహారంలో భాగంగా మొక్కలు నాటిన ఎమ్మెల్యే జైపాల్ యాదవ్

నాగర్​కర్నూలు జిల్లా కల్వకుర్తి మండలంలోని తాండ్ర గ్రామంలో ఎమ్మెల్యే జైపాల్​ యాదవ్​ హరితహరంలో భాగంగా మొక్కలు నాటి, రైతు వేదిక భవనానికి భూమి పూజ చేశారు. రాష్ట్ర ప్రభుత్వం రైతులకు అధిక ప్రాధాన్యతనిస్తోందని... ముఖ్యమంత్రి ఎంతో ముందు చూపుతో రైతుల సంక్షేమం కోసం ఎన్నో పథకాలను ప్రారంభించారని ఎమ్మెల్యే అన్నారు.

నాగర్​కర్నూలు జిల్లా కల్వకుర్తి మండలంలోని తాండ్ర గ్రామంలో ఆరో విడత హరితహారంలో భాగంగా ఎమ్మెల్యే జైపల్​ యాదవ్​ మొక్కలు నాటారు. ముఖ్యమంత్రి కేసీఆర్​ ప్రారంభించిన కార్యక్రమంలో ప్రతి ఒక్కరూ భగస్వాములు కావాలని ఎమ్మెల్యే విజ్ఞప్తి చేశారు. అనంతరం రైతు వేదిక భవనానికి ఆయన భూమి పూజ చేసి శంకుస్థాపన చేశారు.

అనంతరం రైతు వేదిక భవనానికి ఉచితంగా భూమిని అందించిన భగవాన్​రెడ్డిని ఎమ్మెల్యే సన్మానించారు. ప్రతి గ్రామంలో రైతు వేదిక నిర్మాణం కోసం దాతలు ముందుకు రావాలని జైపాల్​ యాదవ్​ కోరారు. రైతు సంక్షేమంలో మిగతా రాష్ట్రాలకంటే తెలంగాణ ముందుందని... అన్ని ప్రాంతాల్లోని బీడు భూములను సాగులోకి తెచ్చేందుకు ప్రయత్నాలు కొనసాగుతున్నాయని ఆయన వివరించారు.