జిల్లా స్థాయి సైన్స్​ ప్రదర్శనను ప్రారంభించిన ప్రభుత్వ విప్​

నాగర్​కర్నూల్​ జిల్లా కేంద్రంలోని లిటిల్​ ఫ్లవర్​ పాఠశాలలో జిల్లా స్థాయి సైన్స్​ ప్రదర్శనను ప్రభుత్వ విప్​ గువ్వల బాలరాజు ప్రారంభించారు. విద్యార్థులు ఎంచుకున్న లక్ష్యాన్ని సాధించేవరకు పోరాడాలని సూచించారు.

విద్యార్థుల్లో దాగి ఉన్న ప్రతిభను వెలికి తీయాలనే ఉద్దేశంతో.. మూడురోజుల జిల్లా స్థాయి సైన్స్ ప్రదర్శనను విద్యా శాఖ ఆధ్వర్యంలో ఏర్పాటు చేశారు. నాగర్​కర్నూల్ జిల్లా కేంద్రంలోని లిటిల్ ఫ్లవర్ పాఠశాలలో జిల్లాస్థాయి సైన్స్ ప్రదర్శనను ప్రభుత్వ విప్ గువ్వల బాలరాజు ప్రారంభించారు. జడ్పీ ఛైర్​పర్సన్ పద్మావతి, స్థానిక శాసనసభ్యులు మర్రి జనార్దన్ రెడ్డి, జేసీ శ్రీనివాసరెడ్డిలు ఈ కార్యక్రమంలో పాల్గొన్నారు. విద్యార్థులు ఏర్పాటు చేసిన ప్రదర్శనలను తిలకించారు.
విద్యార్థులు వచ్చిన అతిథులకు తాము ఏర్పాటు చేసిన ప్రయోగాల గురించి వివరించారు. చిన్నతనం నుంచే ఒక లక్ష్యాన్ని ఎంచుకుని ఆ లక్ష్యం సాధించేవరకు పోరాడాలని... అప్పుడే ఆ రంగంలో ప్రావీణ్యం పొందుతామని ప్రభుత్వ విప్​ గువ్వల బాలరాజు పేర్కొన్నారు. . విద్యార్థులు నిర్వహించిన పలు సాంస్కృతిక కార్యక్రమాలు ఆహుతులను ఆకర్షించాయి.

ఇవీ చూడండి: ప్రజల్లోకి తీసుకెళ్లాల్సింది మేధావులే: శ్రీనివాస్ గౌడ్