నాగర్​ కర్నూల్​లో ఘనంగా మిలాద్​ ఉన్​ నబీ వేడుకలు

నాగర్​ కర్నూల్​ జిల్లా కేంద్రంలో మిలాద్​ ఉన్​ నబీ వేడుకలు ఘనంగా నిర్వహించారు. పట్టణంలోని ప్రధాన రహదారి నుంచి ర్యాలీ చేపట్టారు. కరోనా మహమ్మారి నుంచి దేశాన్ని కాపాడాలని ముస్లింలు ప్రార్థనలు చేశారు.

నాగర్ కర్నూల్ జిల్లా కేంద్రంలో మిలాద్ ఉన్ నబీ వేడుకలు ఘనంగా నిర్వహించారు. మహమ్మద్ ప్రవక్త పుట్టిన రోజును పురస్కరించుకొని గురువారం రాత్రి మసీదుల్లో జాగరణతో పాటు ఆధ్యాత్మిక కార్యక్రమాలను చేపట్టారు.

ఈ రోజు ఉదయం జామా మసీదు ప్రాంగణంలో అన్నదానం చేశారు. పట్టణంలోని ప్రధాన రహదారి నుంచి బస్టాండ్, వక్ఫ్​ కాంప్లెక్స్ వరకు ర్యాలీ నిర్వహించారు. అనంతరం మసీదు కమిటీ ఆధ్వర్యంలో జెండా ఆవిష్కరించారు. కరోనా మహమ్మారి నుంచి ప్రజలను కాపాడాలని ముస్లింలు ప్రత్యేక ప్రార్థనలు చేశారు.

ఈ సందర్భంగా వక్ఫ్ మేనేజింగ్ కమిటీ ఆధ్వర్యంలో ముగ్గురు పేద ముస్లిం జంటలకు వివాహాలు జరిపించారు. ఆస్పత్రుల్లో రోగులకు పాలు, పండ్లను పంపిణీ చేశారు.

ఇదీ చదవండి:నౌకా విధ్వంసక క్షిపణి ప్రయోగం సక్సెస్​