కష్టకాలంలో ప్రజలకు అండగా ఉంటా: విప్​ బాలరాజు

ప్రజల నమ్మకాన్ని వమ్ము చేయకుండా వారి కష్ట సుఖాల్లో తోడుంటానని అచ్చంపేట ఎమ్మెల్యే, ప్రభుత్వ విప్​ గువ్వల బాలరాజు తెలిపారు. లింగాల మండల కేంద్రంలో బుద్ధవనం గార్డెన్​ను ప్రారంభించారు.

నాగర్ కర్నూల్​ జిల్లా లింగాలలో బుద్ధవనం గార్డెన్, ఓపెన్ జిమ్, వాకింగ్ ట్రాక్ పార్క్​ను అచ్చంపేట ఎమ్మెల్యే, ప్రభుత్వ విప్ గువ్వల బాలరాజు ప్రారంభించారు. పురాతన చరిత్ర గల సబ్​ జైలును పార్కుగా తీర్చిదిద్దేందుకు కృషి చేసిన సర్పంచ్ కోనేటి తిరుపతయ్యను అభినందించారు. అనంతరం అదనపు కలెక్టర్ మను చౌదరితో కలిసి జిమ్​లో కాసేపు వ్యాయామం చేశారు.

ప్రజలు ఉల్లాసంగా, ఉత్సాహంగా ఉండడం కోసం ఓపెన్ జిమ్ పార్క్ ఎంతగానో ఉపయోగపడుతుందని తెలిపారు. దీనిని సద్వినియోగం చేసుకోవాలని సూచించారు. ప్రజల నమ్మకాన్ని వమ్ము చేయకుండా వారి కష్ట సుఖాల్లో తోడుంటానని ఎమ్మెల్యే బాలరాజు తెలిపారు.