బెల్లం అక్రమంగా తరలిస్తున్న వ్యక్తుల అరెస్టు

ఎన్నికలు సమీపిస్తున్న  కొద్దీ పోలీసులు వాహన తనిఖీలు ముమ్మరం చేశారు. నాగర్ కర్నూల్​ జిల్లాలో నిర్వహించిన సోదాల్లో అక్రమంగా బెల్లం తరలిస్తున్న ఆటోను స్వాధీనం చేసుకున్నారు.

నాగర్ కర్నూల్ జిల్లా కల్వకుర్తిలో ఎక్సైజ్ పోలీసులు నిర్వహించిన వాహన తనిఖీల్లో సారా బెల్లం అక్రమంగా రవాణా చేస్తున్న ఆటోను పట్టుకున్నారు. 18 క్వింటాళ్ల అక్రమ బెల్లాన్ని గుర్తించి స్వాధీనం చేసుకున్నారు. ఇద్దరు వ్యక్తులను అరెస్టు చేసి రిమాండుకు తరలించారు. హైదరాబాద్ నుంచి ఉప్పునుంతల మండలానికి దీనిని సరఫరా చేస్తున్నట్లు అధికారులు గుర్తించారు.

కఠిన చర్యలు

సారా తయారీకి బెల్లం విక్రయించడం, గ్రామాల్లో మద్యం అమ్మకాలు చేస్తే కఠిన చర్యలు తీసుకుంటామని ఎక్సైజ్ సీఐ శంకర్​ తెలిపారు. కల్తీ సారాపై నిఘా తీవ్రం చేశామని తెలిపారు.అక్రమ రవాణా నివారణకు ఎప్పటికప్పుడు తనిఖీలు నిర్వహిస్తామని పోలీసులు తెలిపారు.

ఇదీ చదవండి :'సంఝౌతా పేలుళ్ల కేసులో సరైన సాక్ష్యాలు లేవు'​