నాగర్ కర్నూల్ జిల్లా కలెక్టరేట్ కార్యాలయం ఎదుట కాంగ్రెస్ ఆధ్వర్యంలో ఆందోళన నిర్వహించారు. కేంద్రం ప్రవేశ పెట్టిన వ్యవసాయ బిల్లులు, రాష్ట్ర ప్రభుత్వం ప్రవేశపెట్టిన ఎల్ఆర్ఎస్ను వెనక్కి తీసుకోవాలని డిమాండ్ చేస్తూ ధర్నా నిర్వహించారు. గాంధీ పార్క్ నుంచి ర్యాలీగా తరలివచ్చిన నాయకులు, కార్యకర్తలు కలెక్టర్ కార్యాలయం ముందు కేంద్ర, రాష్ట్ర ప్రభుత్వాల నిరంకుశ విధానాలకు వ్యతిరేకంగా నినాదాలు చేశారు. ఈ బిల్లులు కార్పొరేట్ శక్తులకు కొమ్ము కాసేలా ఉన్నాయని.. రైతు, వ్యవసాయ రంగాలను మరింత ప్రమాదంలో పడేసేలా ఉన్న ఈ బిల్లులను వెనక్కి తీసుకోవాలని ఏఐసీసీ కార్యదర్శి వంశీచందర్ రెడ్డి డిమాండ్ చేశారు.
వ్యవసాయ బిల్లులు వ్యతిరేకిస్తూ.. కలెక్టరేట్ ఎదుట కాంగ్రెస్ ధర్నా
కేంద్ర ప్రభుత్వం ప్రవేశపెట్టిన వ్యవసాయ బిల్లులు వ్యతిరేకిస్తూ.. కాంగ్రెస్ పార్టీ ఆధ్వర్యంలో నాగర్కర్నూల్ జిల్లా కలెక్టరేట్ ఎదుట ధర్నా నిర్వహించారు. గాంధీ పార్క్ నుంచి ర్యాలీగా వచ్చిన కాంగ్రెస్ నాయకులు, కార్యకర్తలు ప్రభుత్వాలకు వ్యతిరేకంగా నినాదాలు చేస్తూ.. ఆందోళనకు దిగారు. కేంద్ర, రాష్ట్ర ప్రభుత్వాలు ప్రవేశపెట్టిన బిల్లులు వెనక్కి తీసుకోవాలని డిమాండ్ చేశారు.
వ్యవసాయ బిల్లును వ్యతిరేకిస్తూ.. కలెక్టరేట్ ఎదుట కాంగ్రెస్ ధర్నా
రైతులకు నష్టం కలిగించే బిల్లును అడ్డుకుని తీరుతామని, వెనక్కి తీసుకునే వరకు పోరాడుతామని.. అన్నదాతలకు అండగా ఉంటామని ఆయన తెలిపారు. ప్రధాని నరేంద్ర మోడీ, ముఖ్యమంత్రి కేసీఆర్ ప్రజలకు అండగా ఉంటామని చెప్పి వారి నడ్డివిరుస్తున్నారని విమర్శించారు. ఈ కార్యక్రమంలో రాష్ట్ర కిసాన్ సెల్ అధ్యక్షులు అన్వేష్ రెడ్డి, జిల్లా పార్టీ అధ్యక్షులు, మాజీ ఎమ్మెల్యే వంశీ కృష్ణ, కాంగ్రెస్ నాయకులు, కార్యకర్తలు పాల్గొన్నారు.
ఇదీ చూడండి :సర్వేతో గట్టు గొడవలు లేకుండా పోతాయి: హరీశ్ రావు