'నగరాన్ని సుందరంగా ఉంచేందుకు ప్రతి ఒక్కరూ కృషి చేయాలి'

నాగర్​కర్నూల్​ జిల్లా అచ్చంపేట మున్సిపాలిటీ పరిధిలో జిల్లా కలెక్టర్​ ఎల్​.శర్మన్​ చౌహాన్​ ఉదయపు నడక చేపట్టారు. పట్టణంలోని పలు ప్రాంతాల్లో కలియ తిరిగి.. ప్రజలకు పలు సూచనలు చేశారు.

మున్సిపాలిటీ పరిధిలోని వార్డులు, రహదారులను ఎల్లప్పుడూ పరిశుభ్రంగా ఉంచాలని జిల్లా పాలనాధికారి ఎల్​.శర్మన్​ చౌహాన్​ పేర్కొన్నారు. నగరాన్ని సుందరంగా ఉంచేందుకు ప్రతి ఒక్కరూ తమ వంతు కృషి చేయాలని తెలిపారు. నాగర్​కర్నూల్ జిల్లా అచ్చంపేట మున్సిపాలిటీ పరిధిలో కలెక్టర్ ఉదయపు నడక చేపట్టారు. పట్టణంలోని ప్రధాన పలు కాలనీలు, బస్టాండ్ పరిసర ప్రాంతాలు, సులభ్​ కాంప్లెక్స్​లు, వ్యాపార సముదాయాలు, కూరగాయల మార్కెట్ ప్రాంతాలను పరిశీలించారు. పరిసరాలను శుభ్రంగా ఉంచుకోవాలని ప్రజలకు సూచించారు.

మార్నింగ్​ వాక్​లో భాగంగా ఇద్దరు మతిస్థిమితం లేనివారిని కలెక్టర్​ గుర్తించారు. వారికి కొత్త దుస్తులు ఇవ్వాలని మున్సిపల్ సిబ్బందిని ఆదేశించారు. అనంతరం వ్యాపారులు తమ పరిసర ప్రాంతాలను శుభ్రంగా ఉంచుకోవాలని.. లేదంటే వారిపై చర్యలు తీసుకుంటామని హెచ్చరించారు.

ఈ సందర్భంగా కేంద్ర ప్రభుత్వం అందిస్తున్న రూ.10 వేల రాయితీ రుణాల గురించి చిరు వ్యాపారులకు వివరించారు. ఈ అవకాశాన్ని వినియోగించుకోవాలని సూచించారు.