నదీమార్గంలో మూగజీవాలను తరలిస్తున్న వారిపై కేసు

నాగర్ కర్నూల్ జిల్లా కొల్లాపూర్ మండలం సోమశిల గ్రామంలో.. కృష్ణానది నుంచి మూగజీవాలను ఆంధ్రప్రదేశ్​కు తరలిస్తున్న వారిపై జీవహింస కింద కేసు నమోదు చేసినట్లు పోలీసులు తెలిపారు. మర బోటు, పుట్టిల ద్వారా పశువులకు తరలించిన 12 మందిని అదుపులోకి తీసుకున్నారు.

నాగర్ కర్నూల్ జిల్లా కొల్లాపూర్ మండలం సోమశిల గ్రామంలో కృష్ణానది నుంచి మూగజీవాలను ఆంధ్రప్రదేశ్​కు తరలిస్తున్న వారిపై జీవహింస కింద కేసు నమోదు చేసినట్లు పోలీసులు తెలిపారు. వాస్తవంగా అక్కడి నుంచి రాయలసీమకు వెళ్లాలంటే రోడ్డు ప్రయాణం ద్వారా దాదాపు 200 కిలోమీటర్ల దూరం ఉంటుంది.

కృష్ణానదిలో 5 కిలోమీటర్లు ప్రయాణమే కావడంతో ఈ మార్గాన్ని ఎంచుకుంటున్నారు. కానీ మూగజీవాలతో ప్రమాదకరంగా రాకపోకలు సాగించాల్సి వస్తోంది. దీంతో పశువులను బోటు ద్వారా తరలించిన 12 మందిని అదుపులోకి తీసుకున్నట్లు వెల్లడించారు.

ఇదీ చదవండి: విశ్వవిద్యాలయాల్లో ఖాళీలను వెంటనే భర్తీ చేయాలి: సీపీఐ