అసెంబ్లీ తీర్మానంపై కొల్లాపూర్​లో భాజపా ధర్నా

అసెంబ్లీలో సీఏఏకు వ్యతిరేక తీర్మానంపై భాజపా నిరసన వ్యక్తం చేసింది. నాగర్​కర్నూల్​ జిల్లా కొల్లాపూర్​ తహసీల్దార్​ కార్యాలయం ఎదుట ఆందోళన చేపట్టింది.

నాగర్​కర్నూల్​ జిల్లా కొల్లాపూర్​ తాహసీల్దార్​ కార్యాలయం ఎదుట భాజపా జిల్లా అధ్యక్షుడు ఏలేని సుధాకర్ ఆధ్వర్యంలో ధర్నా నిర్వహించారు. అసెంబ్లీలో పౌరసత్వ సవరణ చట్టానికి వ్యతిరేకంగా చేసిన తీర్మానం వెనక్కి తీసుకోవాలని డిమాండ్​ చేశారు.

ఇలాంటి పనులు చేస్తే కేసీఆర్​కు ప్రజలే బుద్ధి చెబుతారని సుధాకర్​ అన్నారు. భాజపా ఆధ్వర్యంలో సీఏఏ, ఎన్​ఆర్సీని అమలు చేసేందుకు ఉద్యమం చేస్తామని తెలిపారు. బండి సంజయ్​ నాయకత్వంలో రాష్ట్రంలో భాజపా అధికారంలోకి రావడం ఖాయమని ధీమా వ్యక్తం చేశారు. అనంతం తహసీల్దార్​కు వినతిపత్రం అందించారు.

ఇవీచూడండి:'ఏపీ నుంచి వచ్చిన ఉద్యోగులను తీసుకోలేం'