పట్టణాల్లోని సమస్యలను పరిష్కరిస్తాం: కలెక్టర్​ శ్రీధర్​

పట్టణ ప్రగతిలో భాగంగా జిల్లాలోని అన్ని పట్టణాల్లో పర్యటించి.. సమస్యల పరిష్కారానికి కృషి చేస్తామని కలెక్టర్​ శ్రీధర్ పేర్కొన్నారు. ఇందులో భాగంగా నాగర్​ కర్నూల్​ జిల్లా కేంద్రంలో ఉదయపు నడక నిర్వహించారు.

శిథిలావస్థకు చేరుకున్న ఇళ్లను వెంటనే కూల్చేయాలని.. పరిసర ప్రాంతాలను పరిశుభ్రంగా ఉంచుకోవాలని జిల్లా కలెక్టర్​ శ్రీధర్​ కాలనీవాసులను ఆదేశించారు. పట్టణ ప్రగతి కార్యక్రమంలో భాగంగా నాగర్​కర్నూల్ జిల్లా కేంద్రంలో కలెక్టర్ ఉదయపు నడక (మార్నింగ్​ వాక్​) నిర్వహించారు. జిల్లా కేంద్రంలోని పలు వార్డులను సందర్శించారు.

వార్డుల్లో పందులకు స్థావరాలుగా ఉన్న ఖాళీ ప్రదేశాలు, ముళ్లకంపలు, చెత్తను తొలగించాలని మున్సిపల్​ సిబ్బందిని సూచించారు. ఖాళీగా ఉన్న స్థలాలకు ఫెన్సింగ్ చేయించుకోవాలని యజమానులకు చెప్పాలని.. అయినా అలాగే ఉంచితే నోటీసులు జారీ చేయాలని అధికారులను ఆదేశించారు. ఈ పది రోజుల్లో జిల్లా వ్యాప్తంగా పర్యటించి పట్టణాల్లోని సమస్యలను పరిష్కరిస్తామన్నారు.

ఇవీ చూడండి:పట్టణ ప్రగతిలో అందరూ భాగస్వాములవ్వాలి: సీఎస్