నాగర్ కర్నూల్ జిల్లా కొల్లాపూర్ మండలం చుక్కాయిపల్లిలోని చెరువు కట్ట వద్ద ఆటో బోల్తా పడింది. ఈ ఘటనలో 8 మందికి తీవ్ర గాయాలయ్యాయి. వీరిలో ముగ్గురి పరిస్థితి విషమంగా ఉంది. స్థానికులు క్షతగాత్రులను కొల్లాపూర్లోని ప్రభుత్వ ఆసుపత్రికి తరలించి చికిత్స అందిస్తున్నారు. డ్రైవర్ ఒక్కసారిగా బ్రేకు వేయడం వల్ల ఆటో అదుపు తప్పి, బోల్తా పడిందని ప్రయాణికులు తెలిపారు. పోలీసులు ఘటనా స్థలికి చేరుకుని ఆటోను స్వాధీనం చేసుకున్నారు. కేసు నమోదు చేసుకొని దర్యాప్తు చేస్తున్నారు.
'ఆటో బోల్తా... 8 మందికి తీవ్ర గాయాలు'