ములుగు జిల్లా ఏటూరునాగారం మండలం పప్కాపూర్ గ్రామంలో బత్తుల మల్లమ్మ(80), ఆమె కొడుకు బత్తుల సమ్మయ్య(60)లు కొన్నిరోజుల కిందట కరోనా బారినపడ్డారు. చికిత్సపై అవగాహన లేక ఇంటి వద్దే ఉండి రెండు రోజుల వ్యవధిలో మృత్యువాత పడ్డారు. వారి బంధువులు, గ్రామస్థులు కరోనా భయంతో దగ్గరికి వెళ్లేందుకే సాహసం చేయలేదు.
తల్లీ కొడుకులకు అంత్యక్రియలు...
మృతుల బంధువురాలు శ్రావణి దిక్కుతోచని స్థితిలో సమత ఫౌండేషన్ ఛైర్మన్ మార్షల్ దుర్గం నగేశ్ని సహాయం కోరింది. ఏటూరునాగారం ఎస్సై తిరుపతి రెడ్డికి చరవాణిలో సమాచారం అందించి తమ పౌండేషన్ సభ్యుడు కొండగొర్ల రాజేశ్ని సంఘటన స్థలానికి పంపారు. ఆయన పీపీఈ కిట్లు ధరించి జేసీబీ సాయంతో తల్లి కొడుకులకు వేర్వేరుగా అంత్యక్రియలు నిర్వహించారు.