ఘనంగా లక్ష్మీనరసింహ స్వామి బ్రహ్మోత్సవాలు

ములుగు జిల్లాలోని మల్లూరులో హేమాచల లక్ష్మీ నరసింహ స్వామి బ్రహ్మోత్సవాలు ఘనంగా జరుగుతున్నాయి. స్వామివారి కల్యాణోత్సవానికి భారీగా భక్తులు తరలివచ్చారు.

ములుగు జిల్లా మంగపేట మండలం మల్లూరు హేమాచల లక్ష్మీ నరసింహ స్వామి బ్రహ్మోత్సవాలు వైభవంగా జరుగుతున్నాయి. ఈనెల 16 నుంచి జరుగుతోన్న జాతరకు ఖమ్మం, వరంగల్, హైదరాబాద్ ప్రాంతాల నుంచి వేలాది మంది భక్తులు వస్తున్నారు. హేమాచల లక్ష్మీనరసింహ స్వామి, చెంచులక్ష్మి ఆదిలక్ష్మి కల్యాణోత్సవానికి భారీగా భక్తులు హాజరయ్యారు. రాజపేట గ్రామానికి చెందిన చైతన్య స్వచ్ఛంద సంస్థ వ్యవస్థాపక అధ్యక్షుడు ఎర్ర శ్రీధర్ బాబు ఆధ్వర్యంలో అన్నదాన కార్యక్రమం చేపట్టారు. ఏడు రోజుల పాటు జరిగే ఈ బ్రహ్మోత్సవాలకు రోజుకు కొన్ని గ్రామాలు ప్రజలు అన్నదానానికి దాతలు ముందుకు వస్తున్నారు.