కరోనా లక్షణాలతో ప్రభుత్వ ఉపాధ్యాయుడు మృతి.. బంధువుల ఆందోళన

వరంగల్​ ఎంజీఎం ఆసుపత్రిలో కరోనా లక్షణాలతో ఓ ప్రభుత్వ ఉపాధ్యాయుడు మృతిచెందాడు. వైద్యుల నిర్లక్ష్యం వల్లే మరణించాడంటూ కుటుంబ సభ్యులు ఆరోపించారు.

వరంగల్ ఎంజీఎం ఆసుపత్రిలోని కొవిడ్ వార్డులో కరోనా లక్షణాలతో చికిత్స పొందుతున్న ములుగు జిల్లా బల్లన్నగూడెం గ్రామానికి చెందిన ఓ ప్రభుత్వ ఉపాధ్యాయుడు మృతి చెందాడు. కరోనా నిర్ధరణ పరీక్షలు ఆలస్యం కావడం వల్లే.. సరైన వైద్యం అందక మృతి చెందాడని కుటుంబసభ్యులు ఆరోపించారు.

ఉపాధ్యాయుడి మృతికి వైద్యుల నిర్లక్ష్యం ఏమీ లేదని ఎంజీఎం ఆసుపత్రి సూపరింటెండెంట్ డాక్టర్​ శ్రీనివాస్ పేర్కొన్నారు. ఈనెల 17న అతడికి కరోనా నిర్ధరణ పరీక్షలు నిర్వహించగా.. 19న వచ్చిన నివేదికల్లో నో రిజల్ట్ అని వచ్చిందని తెలిపారు. ఈలోగా చికిత్స పొందుతూ పరిస్థితి విషమించి మృతిచెందాడన్నారు.