పట్టాపాసు పుస్తకాల కోసం రైతుల ధర్నా

ఎన్నో ఏళ్లుగా సాగు చేసుకుంటున్న వారసత్వ భూములకు పట్టా పాసు పుస్తకాలివ్వాలని ములుగు జిల్లా జాతీయ రహదారిపై ధర్నా చేపట్టారు.

ములుగు జిల్లా జాకారం గ్రామంలోని జాతీయ రహదారిపై రైతులు ధర్నా చేపట్టారు. ఎన్నో ఏళ్లుగా సాగు చేసుకుంటున్న భూములకు, వారసత్వ భూములకు పట్టా పాసుపుస్తకాలు ఇవ్వాలని తహశీల్దార్​ చుట్టూ ప్రదక్షిణలు చేసినా పట్టించుకోలేదని ఆగ్రహం వ్యక్తం చేశారు. విషయం తెలిసిన ఎమ్మార్వో హుటాహుటిన ఆ ప్రాంతానికి చేరుకున్నారు. కలెక్టర్​తో విచారణ జరిపి రైతులకు మేలు జరిగేలా తగు నిర్ణయం తీసుకుంటానని హామీ ఇవ్వడంతో రైతులు శాంతించారు.