ములుగులో 110 కిలోల నల్లబెల్లం పట్టివేత

ములుగు జిల్లా నార్లపూర్​లో నాటుసారా తయారీకి ఉపయోగించే 110 కిలోల నల్ల బెల్లాన్ని ఆబ్కారీ అధికారులు స్వాధీనం చేసుకున్నారు. నిందితులను అరెస్టు చేసి స్టేషన్​కు తరలించారు.

ములుగు జిల్లాలో ఆబ్కారీ శాఖ అధికారులు తనిఖీలు నిర్వహించారు. తాడ్వాయి మండలం నార్లపూర్​లో సోదాలు చేస్తుండగా ముగ్గురు యువకులు రెండు ద్విచక్ర వాహనాలపై 110 కిలోల నల్లబెల్లం తరలిస్తుండగా వారిని పట్టుకున్నారు. బెల్లం, వాహనాలను స్వాధీనం చేసుకొని వారిని స్టేషన్​కు తరలించారు.

గోవిందరావుపేట మండలం పాపయ్యపల్లి గ్రామ సమీపంలో ద్విచక్రవాహనంపై ఏడు లీటర్ల నాటుసారాను తరలిస్తుండగా అధికారులు అడ్డుకున్నారు. దీనివల్ల వాహనం నడుపుతున్న వ్యక్తి పారిపోవటం వల్ల వెనక కూర్చున్న మహిళలను అదుపులోకి తీసుకొని నాటుసారాను స్వాధీనం చేసుకున్నారు. అనంతరం ఆమెను స్టేషన్​కు తరలించారు.