అప్పు తిరిగిమ్మని అడిగినందుకు కత్తులతో దాడి.. ఒకరు మృతి

తీసుకున్న అప్పు తిరిగి ఇవ్వమని అడిగేందుకు వెళ్లిన పాపానికి ఓ సీనియర్ ఫొటో జర్నలిస్టును అతి దారుణంగా నరికి చంపారు. ఈ దారుణం ములుగు జిల్లా పస్రాలో చోటుచేసుకుంది.

ములుగు జిల్లా గోవిందరావుపేట మండలం పస్రాలో దారుణం చోటుచేసుకుంది. తీసుకున్న అప్పు తిరిగిమ్మని అడిగేందుకు వెళ్తే... అప్పిచ్చిన వ్యక్తితో పాటు అతని వెంట వచ్చిన అతనిపై కూడా కత్తులతో విచక్షణ రహితంగా దాడి చేశారు. ఈ ఘటనలో ఒకరు అక్కడికక్కడే మృతి చెందగా మరో వ్యక్తి మృత్యువుతో పోరాడుతున్నాడు. చంపేందుకు పథకం పన్ని మరీనిందితులు వారిపైదాడి చేశారు.గ్రామంలోని బెంగుళూరు బేకరీ యజమాని దయానంద్, అతని సోదరుడు కలిసి దేవేందర్​రెడ్డి వద్ద రూ.8 లక్షలు అప్పు తీసుకున్నారు.

ఎన్ని రోజులైనా.. డబ్బులు తిరిగి చెల్లించకపోవటం వల్ల దేవేందర్​రెడ్డి తన మిత్రుడైన ఫొటో జర్నలిస్టు సునీల్​రెడ్డితో కలిసి అప్పు వసూలుకు వెళ్లారు. బేకరీ వెనుక గదిలో కూర్చొని మాట్లాడుతున్న క్రమంలో దేవేందర్​రెడ్డి, సునీల్​రెడ్డిలపైన దయానంద్, అతని సోదరుడు పథకం ప్రకారం కత్తులతో దాడి చేశారు. ఈ ఘటనలో దేవేందర్​రెడ్డి తీవ్రంగా గాయపడగా... సునీల్​రెడ్డి అక్కడికక్కడే మృతి చెందాడు. దేవేందర్​రెడ్డిని వరంగల్​ ఎంజీఎం ఆసుపత్రికి తరలించారు. పోలీసులు కేసు నమోదు చేసి దర్యాప్తు చేపట్టారు.

ఇదీ చూడండి:కరోనాను ఎదుర్కొనేందుకు సిద్ధంగా ఉన్నాం: ఈటల