'పీఆర్సీని వెంటనే అమలు చేయాలి... లేకుంటే నిరసనలు తప్పవు'

పీఆర్సీని వెంటనే అమలు చేయాలంటూ ఉపాధ్యాయ సంఘాలతో భాజపా నేతలు ర్యాలీ నిర్వహించి... ములుగు జిల్లా కలెక్టరేట్ ముందు ధర్నాకు దిగారు. రెండేళ్లు సమయం తీసుకున్నా.. ఇంతవరకు పీఆర్సీ అమలుపరచకపోవడం ఏంటని ఉద్యోగులు ప్రశ్నించారు.

ములుగు జిల్లా కేంద్రంలో భాజపా ర్యాలీ నిర్వహించింది. పీఆర్సీని వెంటనే అమలు చేయాలంటూ కలెక్టరేట్ ముందు ధర్నాకు దిగారు. తెలంగాణ రాష్ట్రంగా ఏర్పడినప్పటి నుంచి... ఇప్పటివరకు పీఆర్సీ అమలు చేయలేదని తెలిపారు. ముఖ్యమంత్రి కేసీఆర్ ఈ విషయంలో కావాలనే ఆలస్యం చేస్తున్నారంటూ ఆరోపించారు.

రాష్ట్ర ప్రభుత్వం ఉద్యోగులకు పీఆర్సీ అమలు చేయకపోవడం సబబు కాదని... వెంటనే దానిని అమలు చేయాలని లేకుంటే ఆందోళన ఉద్ధృతం చేస్తామని హెచ్చరించారు.

ఇదీ చూడండి:'పీఆర్సీ, ఐఆర్ ఇవ్వలేని పరిస్థితిలో తెరాస ప్రభుత్వం ఉంది'