అది 2001 ఫిబ్రవరి.. ఉమ్మడి ఆంధ్రప్రదేశ్లోని వరంగల్ జిల్లా ఏటూరునాగారంలోని( ప్రస్తుతం ములుగు జిల్లా) ఐటీడీఏ పాలక మండలి సమావేశం పూర్తైంది. ఆ కార్యక్రమానికి హాజరైన నాటి వరంగల్ కలెక్టర్ ఆదిత్యనాథ్ దాస్.. తన వాహనంలో తిరుగు ప్రయాణమయ్యారు. దారిలో మావోయిస్టులు ఆయన కారుపై రెండు వైపుల నుంచి కాల్పులు జరిపారు. భుజం నుంచి బుల్లెట్‌ దూసుకెళ్లి.. ఆదిత్యనాథ్ గాయపడ్డారు. ఆయన వాహనం నడిపుతున్న డ్రైవర్ సాంబయ్య కాలికీ బుల్లెట్లు తగిలి తీవ్ర రక్తస్రావమైంది.
డ్రైవర్ సాంబయ్య సాహసం.. ఏపీ సీఎస్కు పునర్జన్మ! - ఏపీ కొత్త సీఎస్
ఆంధ్రప్రదేశ్ ప్రభుత్వ ప్రధాన కార్యదర్శిగా ఆదిత్యనాథ్దాస్ బాధ్యతలు స్వీకరించనున్నారు. 2001లో ఆయన ఉమ్మడి ఆంధ్రప్రదేశ్లోని వరంగల్ జిల్లా కలెక్టర్గా పనిచేశారు. ఆ సమయంలో మావోయిస్టుల దాడి నుంచి ఆదిత్యనాథ్దాస్.. తృటిలో తప్పించుకున్నారు. డ్రైవర్ సాంబయ్య అప్రమత్తతే.. ఆయన ప్రాణాలు కాపాడింది. ఆనాటి సందర్భాన్ని.. ఆదిత్యనాథ్దాస్ ఏపీ సీఎస్గా బాధ్యతలు తీసుకోనున్న తరుణంలో.. గుర్తు చేసుకున్నారు డ్రైవర్ సాంబయ్య.
డ్రైవర్ సాంబయ్య సాహసం.. ఏపీ సీఎస్కు పునర్జన్మ!
ఆ పరిస్థితుల్లోనూ డ్రైవర్ సాంబయ్య తన కర్తవ్యాన్ని మర్చిపోలేదు. కలెక్టర్ ప్రాణాలు కాపాడటమే లక్ష్యంగా పనిచేశారు. గాయాన్ని లెక్కచేయకుండా కారును వేగంగా ముందుకు నడిపి.. ఆయన ప్రాణాలను కాపాడారు. మర్నాడు సాంబయ్య సాహసాన్ని అందరూ శ్లాఘించారు. ప్రస్తుతం... ఆంధ్రప్రదేశ్ ప్రభుత్వ ప్రధాన కార్యదర్శిగా ఆదిత్యనాథ్ దాస్ బాధ్యతలు స్వీకరించనున్న నేపథ్యంలో ఆయన అప్పటి దుర్ఘటన జ్ఞాపకాలను ‘ఈనాడు’తో పంచుకున్నారు. ఆదిత్యనాథ్ దాస్తో తనకున్న అనుబంధాన్ని గుర్తు చేసుకున్నారు.