ఎమ్మెల్సీ కొడుకునని చెప్పి.. లక్షలు గుంజుదామని చూశాడు!

పరీక్షా కేంద్రం దగ్గర పరిచయమైన ఓ గృహిణిని తాను ఎమ్మెల్సీ కొడుకునని పరిచయం చేసుకున్నాడు. క్రమంగా ఆమెతో స్నేహం చేశాడు. స్నేహంలో చనువు పెరిగింది. ఇద్దరూ కలిసి తిరిగారు. దాన్ని అలుసుగా తీసుకొని డబ్బులు గుంజుదామని చూశాడు. తీరా.. పోలీసులు ఎంట్రీతో కటకటాల పాలయ్యాడు.

మేడ్చల్​ జిల్లా ఘట్​కేసర్​ పురపాలక సంఘం పరిధిలోని కొండాపూర్​కు చెందిన గృహిణిని పోచంపల్లికి చెందిన నోముల భరత్​ కుమార్​ అనే యువకుడు ఏప్రిల్​లో ఓ పరీక్షా కేంద్రం వద్ద పరిచయం చేసుకున్నాడు. తాను ఎమ్మెల్సీ కొడుకునని చెప్పి పరిచయం పెంచుకున్నాడు. ఆ పరిచయం కాస్త స్నేహంగా మారింది. స్నేహం పెరిగి.. ఇద్దరి మధ్య చనువుకు దారి తీసింది.

ఆ చనువులో ఇద్దరూ కలిసి తిరిగారు. భరత్​ ఈ క్రమంలో ఫొటోలు, వీడియోలు తీశాడు. ఇదే అదునుగా భావించిన భరత్​ ఆమె దగ్గర డబ్బులు గుంజుదామని చూశాడు. లేదంటే.. ఇద్దరూ చనువుగా ఉన్న వీడియోలు వైరల్​ చేస్తానని బెదిరించాడు. భయపడ్డ ఆమె ఘట్​కేసర్​ పోలీసులకు ఫిర్యాదు చేసింది. విచారణ చేపట్టిన పోలీసులు కేసు నమోదు చేసి భరత్​ను అరెస్టు చేశారు. నిందితుడిని రిమాండ్​కు పంపినట్లు సీఐ రఘువీర్​ రెడ్డి తెలిపారు.

ఇదీ చదవండి:ఆరు గాయాలుంటే ఒకటే అంటారేం..?:హైకోర్టు