మేడ్చల్​లో గుర్తుతెలియని మృతదేహం లభ్యం

మేడ్చల్​ జిల్లాలో గుర్తుతెలియని మృతదేహం కలకలం రేపింది. ఇటుక బట్టిలో ఓ వ్యక్తి మృతదేహం లభ్యమైంది. పోలీసులు కేసు దర్యాప్తు చేస్తున్నారు.

మేడ్చల్ జిల్లా కీసర మండలం దమ్మాయిగూడలో గుర్తుతెలియని మృతదేహం కలకలం రేపింది. పురపాలక కార్యాలయం సమీపంలోని ఇటుక బట్టిలో వ్యక్తి మృతదేహం లభ్యమైంది. సమాచారం అందుకున్న జవహర్‌నగర్ పోలీసులు దర్యాప్తు చేపట్టారు. ఘటనా స్థలానికి చేరుకొని స్థానికులను విచారించారు. మృతుడి వివరాలు సేకరించేందుకు ప్రయత్నిస్తున్నారు. పోస్ట్ మార్టం నిమిత్తం మృతదేహాన్ని గాంధీ ఆస్పత్రికి తరలించారు.'

ఇదీ చూడండి:సరిహద్దు సవాళ్ల అంశంలో సైన్యంపై రావత్​ ప్రశంసలు