నీటి సంపులో పడి రెండేళ్ల బాబు మృతి

అప్పటివరకు కళ్లముందే బుడి బుడి అడుగులతో తిరిగిన బాబు అడుగులు ఆగిపోయాయి. చిలిపి చేష్టలతో తల్లిదండ్రులు కష్టాలను మరచిపోయోలా చేసే ఆ అల్లరి మూగబోయింది. అల్లారు ముద్దుగా పెంచుకున్న కొడుకు ఇక లేడని తెలుసుకున్న అమ్మనాన్నలు శోకసంద్రంలో మునిగిపోయారు. నీటి సంపులో పడి రెండేళ్ల బాలుడు మృతిచెందిన విషాద ఘటన జీడిమెట్ల పీఎస్​ పరిధిలో జరిగింది.

మేడ్చల్ జిల్లా కుత్బుల్లాపూర్ అయోధ్య నగర్​లో విషాదం చోటుచేసుకుంది. కాలనీలో నివాసముంటున్న సంతోష్ కుమార్​ రెండేళ్ల కుమారుడు విజయ్ కృష్ణ. శనివారం రోజు ఇంట్లో తాతయ్యతో అడుకున్నాడు. సంతోష్​ కుమార్​ తండ్రి సాయంత్రం మార్కెట్​కు వెళ్లాడు. చిన్నారి ఇంట్లో లేకపోగా... తాతతో సంతకు వెళ్ళాడేమో అనుకున్నారు.

మార్కెట్ నుంచి వచ్చిన తాతతో పసిపాడు లేకపోవడం వల్ల చుట్టు పక్కల ఇళ్లల్లో ఆరా తీశారు. ఈ క్రమంలో ఇంట్లో ఉన్న సంపులో పడి ఉన్న బాబుని చూసిన తల్లిదండ్రులు... హుటాహుటిన సుచిత్రలోని సురక్ష ఆసుపత్రికి తీసుకెళ్లారు. బాబు మరణించాడని వైద్యులు ధ్రువీకరించారు. జీడిమెట్ల పోలీసులు కేసు దర్యాప్తు చేస్తున్నారు.

ఇదీ చూడండి:ఉద్యోగులు పీఎఫ్​ ఎప్పుడెప్పుడు విత్​డ్రా చేసుకోవచ్చంటే!