మద్యం మత్తులో ఇద్దరు యువకుల గొడవ

మద్యం మత్తులో సిగ్నల్ వద్ద వెనక కారులో ఉన్న వ్యక్తి సైరన్ మోగించడం వల్ల ఇద్దరు వ్యక్తులు పరస్పరం దాడి చేసుకున్నారు. ఈ సంఘటన మేడ్చల్ జిల్లా ఐడీపీఎల్ సిగ్నల్ వద్ద చోటుచేసుకుంది.

హైదరాబాద్ షేక్​పేటకు చెందిన అనిల్ అనే వ్యక్తి తన కారులో దుండిగల్​ వైపు వెళ్తున్నాడు. ఐడీపీఎల్ సిగ్నల్ వద్దకు రాగానే ముందు సాయిగౌడ్ అనే వ్యక్తి కారు ఉండటం వల్ల అనిల్ సైరన్ కొట్టాడు.

మద్యం మత్తులో ఉన్న సాయిగౌడ్ విచక్షణ కోల్పోయి అనిల్​పై దాడికి దిగాడు. దీనివల్ల ఇద్దరు పరస్పరం దాడి చేసుకున్నారు. సమాచారం అందుకున్న పోలీసులు ఘటనా స్థలానికి చేరుకుని సాయిగౌడ్​ను అదుపులోకి తీసుకున్నారు. కేసు నమోదు చేసి దర్యాప్తు చేస్తున్నారు.

ఇదీ చూడండి :అనిశాకు చిక్కిన మరో తిమింగలం.. కోటి 12 లక్షల అవినీతి