వేర్వేరు ప్రాంతాలలో రెండు గుర్తుతెలియని మృతదేహాలు గుర్తింపు

మేడ్చల్​ జిల్లాలోని వేర్వేరు ప్రాంతాలలో గుర్తుతెలియని ఇద్దరి వ్యక్తుల మృతదేహాలను పోలీసులు గుర్తించారు. కల్లు దొరకక మతిస్థిమితం కోల్పోయి మృతి చెంది ఉంటారని పోలీసులు భావిస్తున్నారు.

మేడ్చల్ జిల్లా జీడిమెట్ల పోలీస్​ స్టేషన్ పరిధిలోని చింతల్ హెచ్ఎంటీ జంగల్​లో ఓ గుర్తుతెలియని వ్యక్తి అనుమానాస్పద స్థితిలో మృతి చెందాడు. సమాచారం తెలుసుకున్న పోలీసులు ఘటనాస్థలికి చేరుకుని మృతదేహాన్ని గాంధీ ఆసుపత్రికి తరలించారు. కేసు నమోదు చేసి దర్యాప్తు చేస్తున్నారు.

దుండిగల్ పీఎస్ పరిధి బహదూర్​పల్లి పాత మద్యం దుకాణం సమీపంలో గుర్తు తెలియని వ్యక్తి మృతదేహాన్నిగుర్తించిన స్థానికులు పోలీసులకు సమాచారమిచ్చారు. పోలీసులు కేసు నమోదు చేసుకుని దర్యాప్తు చేస్తున్నారు.

ఈ రెండు ఘటనల్లో లభించిన మృతి దేహాలను పరిశీలించిన పోలీసులు వారిద్దరు కల్లు దొరకక మతిస్థిమితం కోల్పోయి మృతిచెంది ఉంటారని పోలీసులు అనుమానిస్తున్నారు.

ఇదీ చూడండి:కరోనాపై పోరులో ప్రజలకు రేపు మోదీ వీడియో సందేశం