రేషన్​ బియ్యాన్ని అక్రమంగా తరలిస్తున్న ఇద్దరి అరెస్టు

నిరుపేదల కోసం రాష్ట్ర ప్రభుత్వం అందిస్తున్న రేషన్‌ బియ్యం కొందరి డీలర్ల అవినీతి కారణంగా నల్ల బజారుకు తరలిపోతోంది. సుమారు 150 క్వింటాళ్ల రేషన్​ బియ్యాన్ని అక్రమంగా తరలిస్తున్న ఇద్దరు వ్యక్తులను ఘట్​కేసర్​ పోలీసులు అదుపులోకి తీసుకున్నారు.

రేషన్‌ బియ్యాన్ని అక్రమంగా మహారాష్ట్రకు తరలిస్తున్న ఇద్దరు వ్యక్తులను మేడ్చల్‌ జిల్లా ఘట్‌కేసర్‌ పోలీసులు అదుపులోకి తీసుకున్నారు. సుమారు 150 క్వింటాళ్ల రేషన్​ బియ్యాన్ని స్వాధీనం చేసుకున్నారు.

స్థానిక చౌదరిగూడ సమీపంలో రేషన్‌ బియ్యం లోడుతో ఓ లారీ నిలిపి ఉన్నట్లు పోలీసులకు సమాచారం అందింది. వెంటనే స్పందించిన పోలీసులు ఘటనా స్థలికి చేరుకుని లారీలో పరిశీలించగా.. అందులో సుమారు 150 క్వింటాళ్ల రేషన్‌ బియ్యం ఉన్నట్లు గుర్తించారు. నిందితులు మహమ్మద్​ జమీరుద్దీన్‌, వసీం అనే ఇద్దరు వ్యక్తులను అదుపులోకి తీసుకుని కేసు నమోదు చేసినట్లు పోలీసులు తెలిపారు. ఈ మేరకు పౌరసరఫరాల శాఖ అధికారులకు సమాచారం అందించారు.

ఇదీ చదవండి:ఉత్తరప్రదేశ్​లో బయటపడ్డ టన్నులకొద్దీ పసిడి!