ఈ యువత వలస కార్మికుల మోమున చిరునవ్వు నింపుతోంది!

కరోనా మనిషి జీవితాన్ని అతలాకుతలం చేస్తోంది. వసల కూలీల బతుకు మరింత దుర్భరంగా మారింది. ఈ తరుణంలో ఎందరో సహృదయులు మేమున్నామంటూ ముందుకొస్తున్నారు. ఎవరికి తోచిన మేరకు వారు సాయం అందిస్తున్నారు. ఆ సేవలో తామూ ముందుంటామని చాటుతోంది అఖండ భారత యూత్ ఆర్గనైజేషన్.

కరోనాను కట్టిడి చేసేందుకు కేంద్ర, రాష్ట్ర ప్రభుత్వాలు లాక్​డౌన్ ప్రకటించాయి. ఫలితంగా పొట్టకూటి కోసం ఇతర ప్రాంతాల నుంచి వచ్చిన ఎందరి జీవితాలో స్తంభించాయి. హైదరాబాద్​లోని ఉప్పల్ నియోజకవర్గంలోని మేడిపల్లిలో ఇలా రెండు వందల మంది వలస కూలీలు ఆకలితో అలమటిస్తున్నారు. అప్పుడే మేమున్నామంటూ ముందుకొచ్చింది అఖండ భారత యూత్ ఆర్గనైజేషన్. వారికి నిత్యావసరాలు అందిస్తూ.. అండగా నిలుస్తోంది.