తాగిన మైకంలో తండ్రిపై కత్తితో దాడి

తాగిన మైకంలో కన్నతండ్రి గుర్తురాలేదు. మత్తులో తండ్రితో గొడవ పెట్టుకుని కత్తితో దాడి చేసిన ఘటన... మేడ్చల్ జిల్లాలో చోటుచేసుకుంది.

మేడ్చల్ జిల్లా జగద్గిరిగుట్ట పోలీస్​స్టేషన్​ పరిధిలోని ప్రకాశం పంతులు నగర్​లో అంజయ్య(50)ట్రాక్టర్ డ్రైవర్​గా పనిచేస్తుండేవాడు. తన కుమారుడు ప్రవీణ్ నిత్యం గంజాయి, వైట్​నర్ తాగుడుకు బానిసయ్యాడు.

ఈ నేపథ్యంలో ఆదివారం ప్రవీణ్ వైట్​నర్ సేవించి తండ్రితో ఘర్షణకు దిగాడు. గొడవలో మాటమాట పెరిగి తండ్రిపై ఇంట్లో ఉన్న కత్తితో దాడి చేశాడు. తీవ్రంగా రక్త స్రావం జరిగి ఆయన కుప్పకూలిపోయాడు. దాడి చేసిన ప్రవీణ్ పారిపోయాడు. గమనించిన స్థానికులు తీవ్రంగా గాయపడిన అంజయ్యను ఉస్మానియా ఆస్పత్రికి తరలించారు. సమాచారం తెలుసుకున్న పోలీసులు ఘటనా స్థలికి చేరుకుని దర్యాప్తు చేస్తున్నారు.

ఇదీ చూడండి :నీటి గండం: అప్పడు నాగార్జునసాగర్​.. ఇప్పుడు బస్వాపూర్​