గ్రేటర్​లో జోరుగా అసమ్మతి నేతల నామినేషన్లు

జీహెచ్​ఎంసీ ఎన్నికల్లో నామినేషన్ల పర్వం కొనసాగుతోంది. పలు రాజకీయ పార్టీలు పేర్లు ప్రకటించిన నేతలు నామినేషన్లు దాఖలు చేశారు. అయితే అదే స్థాయిలో అసమ్మతి నేతలు పోటీ చేసేందుకు సిద్ధమవుతున్నారు.

గ్రేటర్​ ఎన్నికల్లో కూకట్​పల్లి జోనల్​ కార్యాలయంలో ప్రధాన రాజకీయ పార్టీల అభ్యర్థులు నామినేషన్లు దాఖలు చేశారు. తెరాస నుంచి కేపీహెచ్​బీ కాలనీలో మందాడి శ్రీనివాసరావు, ఆల్విన్​ కాలనీ డివిజన్​లో​ వెంకటేశ్ గౌడ్​, కూకట్​పల్లిలో జూపల్లి సత్యనారాయణ, ఓల్ట్​ బోయిన్​పల్లిలో ముద్దం నర్సింగ్ యాదవ్​, అల్లాపూర్​లో సబియా గౌసుద్దీన్​, ఫతేనగర్​లో పందాల సతీశ్ గౌడ్ అభ్యర్థులుగా నామినేషన్లు వేశారు.

కాంగ్రెస్​ నుంచి కూకట్​పల్లిలో తేజేశ్వరరావు, బాలానగర్​లో సత్యం శ్రీరంగం బరిలో నిలిచారు. తేదేపాలో హైదర్​నగర్​లో ఒక్కరే నామినేషన్​ వేయగా, కేపీహెచ్​బీ నుంచే ఇద్దరు పోటీకి సిద్ధమయ్యారు. భాజపా తరపున ఆల్విన్​కాలనీలో నలుగురు, కూకట్​పల్లిలో ముగ్గురు అభ్యర్థులు నామినేషన్లు వేశారు. మొత్తంమీద గ్రేటర్​లో అన్ని రాజకీయ పార్టీలకు అసమ్మతి నేతల సెగ తగులుతోంది.

ఇదీ చూడండి:'వరదసాయం నిలిపివేత పాపం కాంగ్రెస్, భాజపాలదే..'