మేడ్చల్ జిల్లా దుండిగల్ పరిధిలోని లీజెండ్ వెంచర్, వెంకటేశ్వర కాంట వద్ద ఉన్న గోడౌన్లో అక్రమంగా నిల్వ ఉంచిన రేషన్ బియ్యాన్ని ఇతర రాష్ట్రాలకు తరలిస్తోన్న నలుగురు నిందితులను దుండిగల్ పోలీసులు పట్టుకున్నారు. 3 టాటాఏస్ వాహనాల్లో ఉన్న రేషన్ బియ్యాన్ని స్వాధీనం చేసుకున్నారు.
ఇతర రాష్ట్రాలకు తరలిస్తున్న రేషన్ బియ్యం పట్టివేత - ration rice caught at dundigal in medchal district
గుట్టుచప్పుడు కాకుండా రేషన్ బియ్యాన్ని ఇతర రాష్ట్రాలకు తరలిస్తున్న నలుగురు నిందితులను మేడ్చల్ జిల్లా దుండిగల్ పోలీసులు పట్టుకున్నారు. అక్కడే ఉన్న ఆటోల్లో పరారైన మరో పది మంది నిందితుల కోసం గాలిస్తున్నారు.
మేడ్చల్ జిల్లాలో రేషన్ బియ్యం పట్టివేత
నగరంలోని ముషీరాబాద్ ప్రాంతానికి చెందిన రహీముద్దీన్, మరికొంత మందితో కలిసి కుత్బుల్లాపూర్లోని రేషన్ దుకాణాల నుంచి బియ్యాన్ని కొనుగోలు చేసేవాడు. వాటిని దుండిగల్లోని ఓ గోడౌన్లో నిల్వ ఉంచి, ఇతర రాష్ట్రాలకు తరలిస్తున్నారనే సమాచారంతో.. రెవెన్యూ, పోలీసు అధికారులు సంయుక్త దాడులు నిర్వహించారు.
ఈ దాడుల్లో లోడ్తో ఉన్న 3 టాటాఏస్ వాహనాలు, నలుగురు నిందితులను అదుపులోకి తీసుకున్నారు. అక్కడే ఉన్న ఆటోల్లో పరారైన మరో పది మంది నిందితుల కోసం గాలిస్తున్నట్లు దుండిగల్ సీఐ వెంకటేశ్వర్లు తెలిపారు.