మానవత్వాన్ని చాటుకున్న రాచకొండ సీపీ

రాచకొండ పోలీస్​ కమిషనర్​ మహేశ్​ భగవత్​ మానవత్వం చాటుకున్నారు. రోడ్డు ప్రమాదంలో గాయపడ్డ మహిళకు ప్రథమ చికిత్స చేసి... తన వాహనంలోనే ఆసుపత్రికి తరలించి చికిత్స చేయించారు.

మేడ్చల్​ జిల్లా ఘట్​కేసర్​ సమీపంలోని నాగారం వద్ద రోడ్డు ప్రమాదం చోటుచేసుకుంది. ద్విచక్రవాహనంపై వెళ్తున్న మహిళను ఆటో ఢీ కొట్టింది. ఘట్​కేసర్​కు వెళ్తున్న రాచకొండ పోలీస్​ కమిషనర్ మహేశ్​ భగవత్​​ ఈ ఘటనను చూసి ఆగారు. గాయాలపాలైన నల్ల రాణి అనే మహిళకు ప్రథమ చికిత్స చేసి... తన వాహనంలోనే సమీప ఆసుప్రతికి తీసుకెళ్లారు. చికిత్స ఖర్చును సీపీ మహేశ్​ భగవత్​ చెల్లించి తన ఔదార్యాన్ని చాటుకున్నారు.

ఇదీ చూడండి:'న్యాయ విచారణ కమిషన్ ఉన్నందున ఇప్పుడేం విచారించలేం'