రుణ మాఫీ పత్రాలు అందజేసిన మంత్రి మల్లారెడ్డి

రైతుల కోసం అనేక సంక్షేమ పథకాలను రాష్ట్ర ప్రభుత్వం అమలు చేస్తోందని కార్మిక శాఖ మంత్రి మల్లారెడ్డి అన్నారు. మేడ్చల్​ జిల్లాలోని పలు పీఎసీఎస్​ సొసైటీల్లో మొదటి విడతలో రూ. 25 వేల లోపు ఉన్న రుణాలకు రుణ మాఫీ పత్రాలను రైతులకు అందజేశారు.

అన్నదాత సంక్షేమానికి ముఖ్యమంత్రి కేసీఆర్​ ప్రభుత్వం అహర్నిశలు శ్రమిస్తోందని కార్మిక శాఖ మంత్రి మల్లారెడ్డి అన్నారు. మేడ్చల్​లోని ఎమ్మెల్యే క్యాంప్ కార్యాలయంలో... మేడ్చల్​, డబీర్​పురా​ పీఏసీఎస్​ సొసైటీల్లో మొదటి విడతలో రూ. 25 వేల లోపు ఉన్న రుణాలకు రుణ మాఫీ పత్రాలను సంబంధిత రైతులకు ఆయన అందచేశారు.

మేడ్చల్ పీఏసీఎస్ సొసైటీలో 100 మందికి దాదాపు రూ. 14 లక్షలు, డబీర్​పురా పీఏసీఎస్ సొసైటీలో 116 మందికి సుమారు రూ. 20 లక్షల రుణాలు మాఫీ అయినట్లు మంత్రి తెలిపారు. ఈ సందర్భంగా రుణ మాఫీ పత్రాలు అందుకున్న రైతులు హర్షం వ్యక్తం చేశారు.

ఇదీ చూడండి:టిక్​టాక్​ సీఈఓ పదవికి కెవిన్​ రాజీనామా.. కారణమిదే