'రాష్ట్రంలో పోలీస్​ వ్యవస్థ బాగా పనిచేస్తోంది'

అక్టోబర్​ 6న మంత్రి తలసాని పుట్టినరోజు సందర్భంగా మేడ్చల్​ జిల్లా బోడుప్పల్​ కార్పొరేషన్​లో సీసీ కెమెరాలు ఏర్పాటు చేశారు. మంత్రి మల్లారెడ్డి, రాచకొండ సీపీ మహేశ్​ భగవత్​తో కలిసి తలసాని శ్రీనివాస్​ యాదవ్​ ప్రారంభించారు.

రాష్ట్రంలో పోలీస్ వ్యవస్థ బాగా పనిచేస్తుందని పశు సంవర్ధక శాఖ మంత్రి తలసాని శ్రీనివాస్ యాదవ్ పేర్కొన్నారు. ఆయన జన్మదినం సందర్భంగా మేడ్చల్​-మల్కాజిగిరి జిల్లా బోడుప్పల్​ కార్పొరేషన్​లో ఏర్పాటు చేసిన సీసీ కెమెరాలను సీపీ మహేశ్​ భగవత్​, కార్మిక శాఖ మంత్రి మల్లారెడ్డితో కలిసి నేడు ప్రారంభించారు.

దేశంలో అమెరికా తర్వాత అధిక పెట్రోలింగ్​ వాహనాలు మన రాష్ట్రంలోనే ఉన్నాయని మంత్రి పేర్కొన్నారు. పోలీసుల పనితీరు కారణంగా రాష్ట్రంలో 75 నుంచి 80 శాతం వరకు నేరాలు తగ్గాయని తెలిపారు.

కాలనీలో సీసీ కెమెరాలు ఏర్పాటు చేసిన తెరాస నాయకులు రాసాల వెంకటేశ్​ యాదవ్​ను మంత్రి అభినందించారు. మిగతా కాలనీలు కూడా ఇలాగేముందుకు రావాలని మంత్రి మల్లారెడ్డి సూచించారు. కెమెరాల ఏర్పాటు వల్ల నేరాల స్థాయిని తగ్గించవచ్చని తెలిపారు.

ఇదీ చూడండి: ఝార్ఖండ్​లో నేడు మోదీ ఎన్నికల ప్రచారం!