మేడ్చల్ జిల్లా జీడిమెట్ల పీఎస్ పరిధిలోని హెచ్ఎంటీ కంపెనీ వద్ద రోడ్డు ప్రమాదం జరిగింది. ప్రమాదవశాత్తు ద్విచక్రవాహనం అదుపుతప్పి డివైడర్ను ఢీకొట్టగా.. ఈ ఘటనలో సందీప్, సోఫన్లకు తీవ్రగాయాలయ్యాయి. వీరిని స్థానికంగా ఓ ప్రైవేటు ఆసుపత్రికి తరలించగా సోఫన్ మృతి చెందినట్లు వైద్యులు నిర్దరించారు. సందీప్ పరిస్థితి విషమంగా ఉండడం వల్ల మెరుగైన చికిత్స నిమిత్తం ఉస్మానియా ఆసుపత్రికి తరలించారు.
డివైడర్ను ఢీకొట్టిన ద్విచక్రవాహనం.. ఒకరు మృతి, మరొకరి పరిస్థితి విషమం
ప్రమాదవశాత్తు ద్విచక్రవాహనం రోడ్డు డివైడర్ను ఢీకొట్టిన ఘటన మేడ్చల్ జిల్లా జీడిమెట్ల పీఎస్ పరిధిలో చోటుచేసుకుంది. ఈ ఘటనలో ఒకరు మృతి చెందగా.. మరొకరి పరిస్థితి విషమంగా ఉంది. పోలీసులు కేసు నమోదు చేసుకుని దర్యాప్తు చేపట్టారు.
డివైడర్ను ఢీకొట్టిన ద్విచక్రవాహనం.. ఒకరు మృతి, మరొకరి పరిస్థితి విషమం
వీరు చింతల్ నుంచి షాపూర్నగర్ వైపు వెళ్తుండగా ఈ ప్రమాదం జరిగింది. వీరిద్దరు షాపూర్ నగర్లోని ఓ ఇండస్ట్రియల్ క్యాంటీన్లో పనిచేసుకుంటూ అక్కడే ఉంటున్నారు. బట్టలు కొనుక్కోడానికి చింతల్లోని ఓ బట్టల దుకాణానికి వచ్చి తిరిగి వెళ్తుండగా ఈ ప్రమాదం జరిగింది. దీనిపై కేసు నమోదు చేసుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆసుపత్రికి తరలించి దర్యాప్తు చేస్తున్నారు.
ఇవీ చూడండి: లారీని ఢీకొట్టిన సింగరేణి బస్సు.. నలుగురికి గాయాలు
Last Updated : Jun 7, 2020, 5:12 PM IST