కుత్బుల్లాపూర్ నియోజకవర్గ పరిధిలోని ఎనిమిది డివిజన్లకు తెరాస తరఫున మంత్రి వేముల ప్రశాంత్రెడ్డి ఇన్ఛార్జిగా వ్యవహరిస్తున్నారు. ఈ మేరకు జీహెచ్ఎంసీ ఎన్నికల్లో భాగంగా గాజులరామారం డివిజన్ అభ్యర్థి తరఫున లెనిన్నగర్లో ప్రచారంలో పాల్గొన్నారు.
ప్రభుత్వం చేసిన అభివృద్ధి పనులే గెలిపిస్తాయి: మంత్రి వేముల - కుత్బుల్లాపూర్ నియోజకవర్గంలో మంత్రి వేముల ప్రశాంత్రెడ్డి ప్రచారం
గ్రేటర్ ఎన్నికల్లో తెరాస నాయకులు విస్తృతంగా ప్రచారం కొనసాగిస్తున్నారు. మంత్రి వేముల ప్రశాంత్రెడ్డి కుత్బుల్లాపూర్ నియోజక వర్గంలో పర్యటించారు. నియోజకవర్గంలోని ఎనిమిది డివిజన్లకు తాను ఇన్ఛార్జిగా వ్యవహరిస్తున్నట్లు చెప్పారు. ప్రభుత్వం చేసిన అభివృద్ధి పనులే తమను గెలిపిస్తాయని ఆయన ధీమా వ్యక్తం చేశారు.
కేసీఆర్ చేసిన అభివృద్ధి పనులే గెలిపిస్తాయి: మంత్రి వేముల
నియోజకవర్గ పరిధిలోని ఎనిమిది డివిజన్లకు ఎనిమిది గెలుస్తామని మంత్రి ధీమా వ్యక్తం చేశారు. సీఎం కేసీఆర్ చేసిన అభివృద్ధి పనులే తెరాసను గెలిపిస్తాయని ఆశాభావం వ్యక్తం చేశారు. ఈ నియోజకవర్గంలో ఎమ్మెల్యే వివేకానందరెడ్డి ఎన్నో అభివృద్ధి పనులు చేశారని, తన నియోజకవర్గంలో కూడా ఇంత అభివృద్ధి జరగలేదని తెలిపారు. ఈ మేరకు ఆయనను అభినందించారు. కారు గుర్తుకు ఓటు వేసి తెరాసను గెలిపించాలని ఓటర్లను కోరారు.
కేసీఆర్ చేసిన అభివృద్ధి పనులే గెలిపిస్తాయి: మంత్రి వేముల
ఇదీ చదవండి:పాతబస్తీ అభివృద్ధిని అడ్డుకుంటోన్న వారిపై సర్జికల్ స్ట్రైక్: స్మృతి ఇరానీ