Corona in Tech Mahindra University: 30 మందికి పాజిటివ్​.. వర్సిటీకి 15 రోజులు సెలవులు'

మేడ్చల్​ జిల్లా టెక్​ మహీంద్రా యూనివర్సిటీని డీఎంహెచ్​వో మల్లికార్జున్(Corona in Tech Mahindra University)​ పరిశీలించారు. 30 మందికి కొవిడ్​ పాజిటివ్​ నిర్ధరణ అయిందని.. వారంతా రెండు డోసులు తీసుకున్న వారే అని డీఎంహెచ్​వో పేర్కొన్నారు. ప్రస్తుతం బాధితులంతా హోం ఐసోలేషన్​లో ఉన్నట్లు చెప్పారు.

Corona in Tech Mahindra University: మేడ్చల్​ మల్కాజిగిరి జిల్లా బహదూర్​పల్లిలోని టెక్​ మహీంద్ర యూనివర్సిటీలో కరోనా కలకలంతో జిల్లా వైద్యారోగ్య శాఖ అధికారులు అప్రమత్తమయ్యారు. పలువురు విద్యార్థులు, సిబ్బందికి కొవిడ్​ పాజిటివ్​ నిర్ధరణ కావడంతో వర్సిటీకి సెలవులు ప్రకటించారు. ఈ క్రమంలో వర్సిటీని డీఎంహెచ్​వో మల్లికార్జున్​ పరిశీలించారు.

వర్సిటీలోని 25 మంది విద్యార్థులకు, ఐదుగురు సిబ్బందికి కరోనా పాజిటివ్ నిర్ధరణ అయిందని.. డీఎంహెచ్​వో(medchal dmho visited tech Mahindra university) చెప్పారు. ప్రస్తుతం కరోనా బాధితులంతా హోం ఐసోలేషన్​లో ఉన్నట్లు పేర్కొన్నారు. వర్సిటీ సిబ్బంది, దుకాణదారులకు కొవిడ్​ పరీక్షలు నిర్వహిస్తున్నట్లు వివరించారు.

వర్సిటీలో 25 మంది విద్యార్థులు, ఐదుగురు సిబ్బందికి కరోనా సోకింది. వారంతా హోం ఐసోలేషన్‌లో ఉన్నారు. పాజిటివ్ వచ్చిన 30 మంది..2 డోసులు తీసుకున్నారు. -మల్లికార్జున్, మేడ్చల్​ మల్కాజిగిరి డీఎంహెచ్‌వో

యూనివర్సిటీలో కరోనా కలకలంతో విద్యార్థులకు 15 రోజులు సెలవు ప్రకటించినట్లు మల్లికార్జున్​ వెల్లడించారు. పాజిటివ్​ వచ్చిన వారంతా కొవిడ్​ టీకా రెండు డోసులు తీసుకున్నవారేనని చెప్పారు.

వర్సిటీలో నిన్న కరోనా కేసులు నమోదు కావడంతో.. యూనివర్సిటీ ప్రతినిధులు విద్యార్థులకు నిన్న, నేడు సెలవు ప్రకటించారు. వర్సిటీ ప్రాంగణంలో శానిటైజేషన్​ చేసి తరగతులు నిర్వహిస్తామని వెల్లడించారు. కొవిడ్​ భయంతో విద్యార్థులంతా వసతి గృహం ఖాళీ చేసి ఇళ్లకు వెళ్లారు.

ఇదీ చదవండి:Harish rao review on corona New variant: కొత్త వేరియంట్లు, మూడో దశ వస్తే.. ఏం చేద్దాం?: హరీశ్​రావు