కీసర రామలింగేశ్వరాలయం... రుద్రేశ్వరమయం

నాగేంద్ర హారాయ త్రిలోచనాయ... భస్మాంగరాగాయ మహేశ్వరాయ.. అని ప్రార్థిస్తున్న భక్తులతో మేడ్చల్​ జిల్లా కీసరగుట్ట రామలింగేశ్వరస్వామి ఆలయ ప్రాంగణం మార్మోగుతోంది. శివరాత్రి పురస్కరించుకుని వచ్చిన భక్తులతో సందడిగా మారింది.

మేడ్చల్​ జిల్లా కీసరగుట్ట రామలింగేశ్వరాలయంలో మహాశివరాత్రి బ్రహ్మోత్సవాలు ఘనంగా జరుగుతున్నాయి. ఉదయం నుంచే ఆలయానికి తరలివస్తోన్న భక్తులు శివలింగాలకు అభిషేకం చేసి ఉపవాసదీక్ష చేపట్టారు.

ప్రభుత్వ ప్రధాన కార్యదర్శి సోమేశ్​ కుమార్, మంత్రి మల్లారెడ్డి, ఎంపీ సంతోష్​ కుమార్ రామలింగేశ్వరస్వామిని దర్శించుకున్నారు. ఆలయ ప్రధాన అర్చకులు వారికి ఘనస్వాగతం పలికారు.

మహాశివరాత్రి సందర్భంగా కీసరగుట్ట రామలింగేశ్వరాలయానికి ఈరోడు జేబీఎస్, ఎల్బీనగర్, మేడ్చల్​, కుషాయిగూడ నుంచి ఆర్టీసీ ప్రత్యేకంగా 450 బస్సులు నడుపుతోంది. భక్తులకు ఎలాంటి ఇబ్బందులు కలగకుండా 1500 మంది పోలీసులు బందోబస్తు నిర్వహిస్తున్నారు. ఈనెల 24వరకు కీసరగుట్టలో బ్రహ్మోత్సవాలు జరగనున్నాయి.

• ఇదీ చూడండి :దేశమంతా 'హరహర మహాదేవ శంభోశంకర'