ఉద్యోగం విడిచిపెట్టి వచ్చా.. అవకాశం ఇవ్వండి: భాజపా అభ్యర్థి

విదేశాల్లో ఉద్యోగం వదిలి.. పుట్టిన ఊరికి సేవ చేసేందుకు వచ్చానని కూకట్​పల్లి డివిజన్ భాజపా అభ్యర్థి నాయినేని పవన్ చెప్పారు. కార్పొరేటర్​గా ఒక్క అవకాశం ఇవ్వాలన్నారు.

జీహెచ్​ఎంసీ ఎన్నికల ప్రచారంలో భాజపా అభ్యర్థులు ముందున్నారు. కూకట్​పల్లి డివిజన్ భాజపా అభ్యర్థిన నాయినేని పవన్ ఇంటింటి ప్రచారం నిర్వహించారు. విదేశాల్లో ఉద్యోగం వదిలి.. పుట్టిన ఊరికి సేవ చేసేందుకు వచ్చానని... కార్పొరేటర్​గా ఒక్క అవకాశం ఇవ్వాలని విజ్ఞప్తి చేశారు.

ఆరేళ్ల తెరాస పాలనలో జరిగిన అభివృద్ధి ఏమి లేదన్నారు. నాలాలు, కాలనీ సంక్షేమ స్థలాలు ఆక్రమణలకు గురయ్యాయని చెప్పారు. సమస్యలు పరిష్కరించడం కోసం ప్రణాళిక బద్ధంగా ముందుకెళ్తానని తెలిపారు.

ఇదీ చదవండి:గ్రేటర్​ పోరు: జీహెచ్ఎంసీ ప్రజలపై సీఎం వరాల జల్లు