పేదలు, వలస కూలీలకు నిత్యావసరాల పంపిణీ

లాక్‌డౌన్ కారణంగా పనులు లేకపోవటం వల్ల వలసకూలీలు, నిరుపేదలకు పూటగడవటమే ఇబ్బందిగా మారింది. అలాంటి వారికి మేమున్నామంటూ దాతలు అపన్నహస్తాన్ని అందిస్తున్నారు.

మేడ్చల్​ జిల్లా నాచారం డివిజన్​ కార్పొరేటర్​ ఆధ్వర్యంలో నిరుపేదలకు, వలస కూలీలకు నిత్యావసjాలు పంపిణీ చేశారు. హైదరాబాద్ మేయర్​ బొంతు రామ్మోహన్​, ఎమ్మెల్యే భేతి సుభాశ్​ రెడ్డి హాజరయ్యారు. లాక్​డౌన్ నేపథ్యంలో పేద ప్రజలు ఆకలితో పస్తులు ఉండకూడదనే సీఎం కేసీఆర్​ ఆదేశాల మేరకు ఈ కార్యక్రమాన్నికి శ్రీకారం చుట్టామన్నారు. పేదలను ఆదుకోవడానికి దాతలు మరింత ముందుకు రావాలని సూచించారు. ప్రతి ఒక్కరూ లాక్‌డౌన్‌కు సహకరించి, వైరస్‌ను తరిమికొట్టాలని తెలిపారు.